Mugallymçylyk mekdebiniň täzelikleri

21 03 2026

Täzelenişiň baýramy

Bahar paslynyň gelmegi bilen kalplarymyza şatlyk paýlaýan, tebigatyň janlanmagyny alamatlandyrýan Nowruz baýramy türkmen halkynyň iň gadymy we iň söýgüli baýramlarynyň biridir. Bu baýram diňe bir täze ýylyň başlangyjy däl, eýsem dostlugyň, agzybirligiň we bereketiň nyşanydyr.Nowruz—pars dilinden terjime edilende "Täze gün" diýmekdir. Gündogar halklarynda, şol sanda türkmenlerde bu gün gije bilen gündiziň deňleşýän wagtyna, ýagny 21-nji marta gabat gelýär. Bu senany biz astronomik taýdan täze ýylyň başlangyjy we hakyky baharyň gelişi hökmünde garşylaýarys.Nowruzyň taryhy müňýyllyklaryň jümmüşine, has takygy ekerançylyk medeniýetiniň dörän döwürlerine çenli uzap gidýär. Bu baýram 2009-njy ýylda ÝUNESKO-nyň Adamzadyň maddy däl medeni mirasynyň sanawyna girizildi, 2010-njy ýylda bolsa Birleşen Milletler Guramasy tarapyndan "Halkara Nowruz güni" diýlip yglan edildi.Ýurdumyzda Nowruz baýramy aýratyn bir dabara, milli öwüşginler bilen bellenilip geçilýär. Baýramçylyk günlerinde aşakdaky esasy däp-dessurlar berjaý edilýär:Semeni taýýarlamak: Nowruzyň baş tagamy [...]

Dowamyny oka

14 03 2026

Remezan mekdebi – sabyrdan kanagatlylyga

Ynsan kalbynyň nury, sabyr-takatlylygyň miwesi bolan Oraza baýramy — bu diňe bir dini dabaralar däl, eýsem halkymyzyň köpasyrlyk asylly däp-dessurlarynyň we ynsanperwerlik ýörelgeleriniň jemlenýän ýeridir.Adamzat taryhynda ynsanyň ruhy dünýäsini tämizleýän, ony ýagşylyga, rehimdarlyga we pähim-paýhasa çagyrýan mukaddes seneler bar. Şolaryň arasynda musulman dünýäsiniň iň uly baýramlarynyň biri bolan Oraza baýramy (Eýd-al-Fitr) aýratyn orun tutýar. Bu baýram bir aýlap dowam eden remezan aýynyň — ruhy synagyň, nebsi jylawlamagyň we sabyrlylygyň ajaýyp netijesi.Oraza baýramyna çenli geçilen bir aýlyk ýol  bu hakyky ruhy mekdepdir. Agyz beklemek diňe bir iýmekden-içmekden saklanmak däl-de, eýsem dili gybatdan, gözi erbetlikden, kalby bolsa öýke-kineden arassalamakdyr. Baýram güni bolsa, şol sabyrlylygyň we päkligiň dabaralanmasy hökmünde gelýär. Bu gün ynsan özüniň ruhy taýdan täzelenendigini, has-da kämilleşendigini duýýar. Şonuň üçin hem bu baýram her bir ynsan üçin özboluşly “ruhy hasabat” günüdir.Oraza baýramynyň iň uly gymmatlyklaryndan biri sahawatlylykdyr. [...]

Dowamyny oka

14 03 2026

Milli terbiýe bermekde terbiýeçiniň innowasion ukyplary

Berkarar döwletiň täze eýýamynyň Galkynyşy döwründe ýurdumyzda Gahryman Arkadagymyzyň peder ýoluny mynasyp dowam etdirýän Arkadagly Gahryman Serdarymyzyň bilim ulgamyny sanlylaşdyrmak we milli gymmatlyklarymyzy dünýä ýaýmak barada aladalarynyň netijesinde uly işler durmuşa geçirilýär. Şolaryň hatarynda mekdebe çenli bilim we terbiýe aýratyn orun tutýar.Mekdebe çenli ýaşly çagalaryň aňy ak kagyza meňzeýär. Biz şol kagyzda sanly tehnologiýalaryň kömegi bilen nähili şekilleri çekýäris? Ine, şu ýerde terbiýeçiniň innowasion ukyby öňe çykýar. Tehnologiýa diňe bir "gural" däl-de, milli terbiýäni çaganyň kalbyna ýetirýän "altyn köprüdir".Terbiýeçiniň innowasion ukyplary diýenimizde, biz diňe bir kompýuteri açyp-ýapmagy däl, eýsem şu aşakdakylary göz öňünde tutmalydyrys:Sanly mazmuny milli äheňde döretmek: häzirki zaman terbiýeçisi diňe taýýar programmalary ulanman, eýsem türkmen halk ertekilerini, nakyllaryny we matallaryny çagalaryň ýaşyna laýyk sanly animasiýalara öwrüp bilmelidir. Mysal üçin, "Akpamyk" ýa-da "Böwenjik" ýaly ertekileri sesli we hereketli slaýdlar arkaly görkezmek çaganyň [...]

Dowamyny oka

14 03 2026

“Bir asyrlyk şöhratly ýol – bu ynsanperwerligiň ýeňşi!”

Berkarar döwletiň täze eýýamynyň Galkynyşy döwründe Milli Liderimiz Gahryman Arkadagymyzyň, Arkadagly Gahryman Serdarymyzyň asylly başlangyçlary esasynda 2026-njy “Garaşsyz , baky Bitarap Türkmenistan bedew –batly at-myradyň mekany” ýylynda hem ýurdumyzda giň gerimli işler alnyp barylýar. Biziň merdana halkymyzyň bagtyýar döwründe, eziz Diýarymyzyň ähli ugurda gazanýan üstünlikleri, ösüşleri diňe bir ykdysady taýdan däl, eýsem jemgyýetimiziň her bir gatlagynda ösüşiň, abadançylygyň alamatydyr. Eziz Watanymyz Türkmenistan häzirki döwürde Gahryman Arkadagymyzyň hem-de Arkadagly Gahryman Serdarymyzyň parasatly ýolbaşçylygynda ösüşleriň, ösüşli başlangyçlaryň we bagtyýarlygyň ýurdy boldy.Şu üstünlikleriň hatarynda Türkmenistanyň Gyzyl Ýarymaý Milli Jemgyýeti hem ýurdymyzda ynsanperwerligiň , birek-birege goldawyň we ynsan saglygynyň goragynda durýan giň jemgyýetçilik guramalarynyň biridir.Bir asyr bäri ynsanperwerligiň, sahawatyň hem-de ýagşylygyň nyşany bolup gelýän Türkmenistanyň Gyzyl Ýarymaý jemgyýeti halkymyza hyzmat edip, müňlerçe adama goldaw berdi.Türkmenistanyň Gyzyl Ýarymaý Milli jemgyýeti 1926-njy ýylda döredilip, häzirki wagtda halkara ynsanperwer gurama hökmünde giň gerimli iş [...]

Dowamyny oka

• 1
• 2
• 3
• ...
• 89
• 90