Täsirli geçirilen bäsleşik
Halkara parahatçylyk we ynanyşmak ýyly hem-de baky Bitaraplygymyzyň şanly 30 ýyllygy mynasybetli Beki Seýtäkow adyndaky Mugallymçylyk mekdebiniň sport eýwanynda talyp oglanlaryň we gyzlaryň arasynda sportuň stoluň üstünde oýnalýan tennis görnüşi boýunça bäsleşik geçirildi.
Bäsleşik Beki Seýtäkow adyndaky Mugallymçylyk mekdebiniň talyp ýaşlarynyň arasynda sagdyn durmuş ýörelgesiniň giňden ýaýbaňlandyrylýandygyny aýdyň görkezdi. Bäsleşikde Mugallymçylyk mekdebiniň talyp oglanlaryndan we gyzlaryndan düzülen toparlar özara güýç synanyşdylar.
Netijede, ýaryşyň jemleri boýunça oglanlaryň arasynda 303-nji toparyň talyby Döwlet Rejepow I orny, 203-nji toparyň talyby Baýram Baýramow II orny, 312-nji toparyň talyby Mekan Kömekow III orny eýelediler. Gyzlaryň arasynda 310-njy toparyň talyby Aýgül Duşemowa I orny, 315-nji toparyň talyby Täşjan Arazowa II orny, 311-nji toparyň talyby Gurbansoltan Işanowa III orny eýelediler. Bäsleşikde ýeňiji bolan talyplara Beki Seýtäkow adyndaky Mugallymçylyk mekdebiniň hormat hatlary gowşuryldy.
Baýmyrat Dowulow
Beki Seýtäkow adyndaky Mugallymçylyk mekdebiniň mugallymy
