"Arkadag Serdarly bilimli ýaşlar" atly zehin bäsleşiginiň jemi jemlendi
Arkadagly Gahryman Serdarymyzyň, Gahryman Arkadagymyzyň alyp barýan bilim özgertmeleriniň möhüm talaplary hökmünde ýurdumyzyň umumy bilim berýän orta mekdeplerinde okuw derslerini ýokary derejede öwretmek, okuwçylaryň tebigy zehin-başarnyklaryny ösdürmek, giň dünýägaraýyşly öňdebaryjy ýaşlary kemala getirmek, olaryň ylym we döredijilik bilen işjeň meşgullanmaklary üçin höweslendirmek hem-de hünärlere ugrukdyrmak babatynda toplumlaýyn işler üstünlikli durmuşa geçirilýär. Bu ugurda dürli bäsleşikler geçirilýär, ýaşlaryň halkara ders bäsleşiklerine gatnaşmaklary üçin giň mümkinçilikler döredilýär.Häzirki ajaýyp döwrümizde ussat, başarjaň, ýokary taýýarlykly, kämil hünärmenlere aýratyn üns berilýär.
Ýaş hünärmenleri taýýarlamak, ýaşlarda ylmyň ugurlaryna çuň höwes döretmek hem-de zehinlerini artdyrmak maksady bilen Beki Seýtäkow adyndaky Mugallymçylyk mekdebi we Daşoguz welaýat Baş bilim müdirliginiň guramagynda zehin bäsleşigi geçirildi. Bäsleşige Daşoguz welaýatynyň umumy bilim berýän orta mekdepleriniň mekdebi tamamlaýan okuwçylarynyň arasynda “Arkadag Serdarly bilimli ýaşlar” ady bilen geçirildi. Bäsleşige gatnaşyjylara “Türkmen dili”, “Matematika”, “Türkmenistanyň taryhy” , “Iňlis dili” we “Rus dili” derslerinden, hödürlenen ýumuşlar orta mekdepleriň okuw maksatnamasynyň esasynda Mugallymçylyk mekdebiniň guramaçylyk topary tarapyndan işlenilip taýýarlanyldy.
Bäsleşige Daşoguz welaýatynyň etraplarynyň şeýle hem Daşoguz şäheriniň mekdep okuwçylary gatnaşdy. Okuwçylaryň toplan ballary boýunça bäsleşigiň netijeleri eminler topary tarapyndan jemlenildi. Ýeňiji diýlip yglan edilen okuwçylara I, II we III derejeli diplomlar gowşuryldy.
Beki Seýtäkow adyndaky Mugallymçylyk mekdebiniň
türkmen dili we edebiýaty mugallymy, Ýusup Nuryýew
